મણિલાલ હ. પટેલનાં કાવ્યો/સંવનન: Difference between revisions

From Ekatra Wiki
Jump to navigation Jump to search
(+1)
 
No edit summary
Line 2: Line 2:
<center><big><big>'''સંવનન'''</big></big></center>
<center><big><big>'''સંવનન'''</big></big></center>


<center<big>''' (શિખરિણી)'''</big></center>
<center><big>''' (શિખરિણી)'''</big></center>





Revision as of 02:15, 18 February 2024

સંવનન
(શિખરિણી)


મકાઈનું લીલું-હરિત વરણું ખેતર તમે
બની આવ્યાં મારી ખળખળ વિનાની નજરમાં;
સૂકા શેઢાનું હું તણખલું હતો, ઘાસ-લીલવું
તમારી આંખોનો પલક પવને થૈ ઝૂમી ઊઠ્યો!
હવે હું હાંકું છું હળ-બળદ, શો પીત તડકો!
તમે ત્યાં છીંડેથી મખમલ સમી કાય, સ્મિત લઈ
વળો આ બાજુ ત્યાં અમથું અમથું ગાઈ ઊઠતો!
મને બોલાવો છો ટીમણ કરવા, સ્હેજ શરમે
નવાં છો તેથી તો થડકી થડકી સીમ નીરખો–
રખે કોઈ જુવે! પણ અવશ આંખો મરકતાં–
તમારી છાતીમાં ડગુમગુ થતું કૈં અનુભવી
તમારી કંકુ-શી નજર ઢળી જતી : પાસ સરકું!
તમે મીંચો આંખો, નસનસ મહીં શોય થડકો
ઝળૂંબી પીતો હું સીમ-ચસચસી રૂપ-તડકો!