બાળ કાવ્ય સંપદા/અંધકારના હાથી ઉપર

અંધકારના હાથી ઉપર

લેખક : સુરેશ દલાલ
(1932-2012)

અંધકારના હાથી ઉપર ચાંદ મહાવત બેઠો :
તેજકિરણની સીડી મૂકીને સૂરજ ઉતારે હેઠો !

સૂરજને હાથી નહીં ચાલે
એના ઘોડા સાત;
રવિવારથી શનિ સુધી છે
સાતેનો સંગાથ.

આજ ભલેને ચાંદો લાગે મહારાજાનો બેટો :
તેજકિરણની સીડી મૂકીને સૂરજ ઉતારે હેઠો !

ચાંદા સાથે તારાઓનું
લશ્કર કરતું કૂચ;
નરબંકા સૂરજના તાપે
બળે બધાની મૂછ.

{{Block center|

સૂરજ ને ચાંદાનો થાશે કદી આભમાં ભેટો
તો તો જોવા જેવી : આજે આંખ મીંચીને લેટો !