પ્રતિપદા/૪. વિનોદ જોશી: Difference between revisions

<poem>

ખડકી ઉઘાડી હું તો અમથી ઊભી’તી,

પ્હેલ્લી દુકાને એક તંબોળી બેઠો, તંબોળી ખવડાવે પાન;

કેસરનો કાથો વળી ચાંદનીનો ચૂનો ઉપર ઉમેરે તોફાન;

આમતેમ જોતી હું તો અમથી ઊભી’તી,

બીજી દુકાને એક વાણીડો બેઠો, વાણીડો જોખે વહેવાર,

ઝટ્ટ દઈ તોળી મુંને આંખ્યુંનાં ત્રાજવે, લટકામાં તોળ્યા અણસાર;

સાનભાન ભૂલી હું તો અમથી ઊભી’તી,

ત્રીજી દુકાને એક પીંજારો બેઠો, પીંજારો સીવે રજાઈ,

બખિયે આવીને એક બેઠું પતંગિયું, સૂયામાં વાગી શરણાઈ;

નામઠામ છોડી હું તો અમથી ઊભી’તી,

ચોથી દુકાને એક રંગારો બેઠો, રંગારે ઘોળ્યા અજવાસ,

સૂરજ વાટીને એણે ઓર્યા રે સામટા, ઉપ્પરથી રેડ્યું આકાશ;

રૂમઝૂમ થાતી હું તો અમથી ઊભી’તી,