અર્વાચીન ગુજરાતી કાવ્યસંપદા/લાભશંકર ઠાકર/શી-ઈ-ઈ-ઈ-!

શી-ઈ-ઈ-ઈ-!

લાભશંકર ઠાકર

શી-ઈ-ઈ-ઈ!
શીતલ પવનની પીઠ પરેથી લસરે છે
લીંબુરંગનો તડકો
બોરસલીની ડાળ પર ચળકે છે પૂંછડી શ્યામ
શ્વેત રંગના સંયોજનમાં: શી-ઈ-ઈ-ઈ!
શુભ્ર પતાસા જેવું પેટ, દૈયડ
મેગપાળ રોબિન, આવ –
તારા અવાજમાં ઘૂંટાયા છે, લીંબુરંગી સુખોષ્ણ તડકો,
શીતળ પવન ને કામ, આવ –
દૈયડ અતીતમાંથી આ ક્ષણમાં સામે,
હું તોબેઠો છું નિષ્કામ ને અનિ,્છ, આવ –
તારા અવાજથી ઊઘડી છે મારી આંખ
તાકવા તને, મારી એકલતાની ડાળે
સ્મૃતિ શ્રુતિના ફળિયામાં સકામ કૅમેરાનાં
આંખ-કાનની સામે મિડ શૉટમાં.
તારી પ્રતીક્ષામાં કૅમેરા ઑન છે. આવ –
શી-ઈ-ઈ-ઈ!