ગુજરાતી સાહિત્યકોશ ખંડ ૩/અનુક્રમ/સ/સમબંધ

From Ekatra Wiki
Revision as of 11:18, 26 November 2021 by Amee (talk | contribs) (Created page with "{{SetTitle}} <span style="color:#0000ff">'''સમબંધ(Isotopy)'''</span> : કથાસાહિત્યમાં અર્થએકમોની પુનરાવૃ...")
(diff) ← Older revision | Latest revision (diff) | Newer revision → (diff)
Jump to navigation Jump to search


સમબંધ(Isotopy) : કથાસાહિત્યમાં અર્થએકમોની પુનરાવૃત્તિઓ, જેને કારણે કૃતિમાં એક પ્રકારની સંગતિ ઊભી થાય છે. મધુ રાયની વાર્તા ‘હાર્મોનિકા’માં આવતાં વર્ણન (વેરાન, વગડાઉ જમીન છે, સુક્કો ભૂખરો વાયરો છે. ફાટેલી ચામડીવાળી જમીન છે. જમીન પર ઊખડેલી છાલવાળાં વડનાં, પીપળાનાં ઝાડ છે. તિરાડો પડેલી ઘરની દીવાલો છે)માં શુષ્કતા અને અનાર્દ્રતાનો વિષય પુનરાવૃત્ત થતો જોઈ શકાય છે. ચં.ટો.