સોરઠી સંતવાણી/અવિવેકી ગુરુ

અવિવેકી ગુરુ

વિવેક રાખો તમે સમજી ચાલોને

વસ્તુ રાખો ગુપત રે

મુખનાં મીઠાં ને અંતરનાં ખોટાં

એવાની સાથે ન થાશો લુબ્ધ રે. — વિવેક.

ભાઈ રે અજડ અવિવેકી ગુરુથી વિમુખ રહેવું

જેને રે’ણી નહીં લગાર રે,

વચનલંપટ ને વિષય ભરેલાં ને એવાંની સાથે મેળવવો નહીં તાર રે. — વિવેક. ભાઈ રે અહંતા મમતા આશા ને અન્યાય ને

ઈર્ષ્યા ઘણી ઉરમાંય રે,

એવા માણસને અજ્ઞાની ગણ્યા ને

પોતાની ફજેતી થાય રે. — વિવેક.

ભાઈ રે દાઝના ભરેલા ને દુબજામાં પૂરા ને નહીં વચનમાં વિશ્વાસ રે, ગંગાસતી એમ બોલ્યાં ને તમે એવાથી પામજો ત્રાસ રે. — વિવેક.