અર્વાચીન ગુજરાતી કાવ્યસંપદા/‘ચંદ્ર’ પરમાર/મધરો મધરો

Revision as of 16:08, 24 June 2021 by HardikSoni (talk | contribs) (Created page with "<poem> મધરો મધરો પાયો કલાલણ! {{space}}અંકાશે હું ના માયો રે લોલ, મુંને નેણ કટો...")
(diff) ← Older revision | Latest revision (diff) | Newer revision → (diff)

મધરો મધરો પાયો કલાલણ!
         અંકાશે હું ના માયો રે લોલ,
મુંને નેણ કટોરો ઉલાળી કલાલણ!
         ચંઈનો ચંઈ ઉછાળ્યો રે લોલ.

આંખે આભલિયું આંજ્યું કલાલણ!
         પગલે પતાળ મેં દાબ્યું રે લોલ,
સૂરજમાં મુખ મેં ધોયું કલાલણ!
         ચાંદલામાં મુખડું જોયું રે લોલ.

બત્રી કોઠે દીવા ઝળકે કલાલણ!
         રૂંવે રૂંવે તારા લળકે રે લોલ,
રગે રગે તે રંગ છલકે કલાલણ!
         અણસારે મેઘ-ધજા ફરકે રે લોલ.

મધરો મધરો પાયો કલાલણ!
         અંકાશે કૈં ના માયો રે લોલ,
`આવડું અંકાશ ભલે ઓછું પડે તું મારી
         બાંધણીની ગાંઠે બંધાયો રે લોલ.'