ગુજરાતી નારીસંપદા : કવિતા/કાંટે ગુલાબ
Revision as of 03:17, 21 April 2026 by Meghdhanu (talk | contribs) (Created page with "{{SetTitle}} {{Heading|કાંટે ગુલાબ|ભાગીરથી મહેતા}} {{center|<big><big>'''⯐'''</big></big>}} {{Block center|<poem> જાણીને ઝેર પી લેવાં મનવાજી મારા, {{gap|5em}}કાંટે ગુલાબ થઈ રહેવાં, બાગબગીચે માળી સંભાળે ઘડી ઘડી, {{gap|5em}}વગડામાં ફૂલ બની રહેવાં...{{rig...")
કાંટે ગુલાબ
ભાગીરથી મહેતા
⯐
જાણીને ઝેર પી લેવાં મનવાજી મારા,
કાંટે ગુલાબ થઈ રહેવાં,
બાગબગીચે માળી સંભાળે ઘડી ઘડી,
વગડામાં ફૂલ બની રહેવાં...મનવાજી.
જગનો વહેવાર ભારો સાપે વીંટાયો સારો,
ડંખો સહીને ફૂલ દેવાં... મનવાજી.
દિલના દાવાનળને દિલમાં છુપાવીને,
ચંદાનાં તેજ ઝીલી લેવાં...મનવાજી.
તપસી તપેશ્વર ને જોગી જોગેશ્વર,
સૌએ પીધાં છે ઝેર એવાં... મનવાજી.
ઉરના બગીચામાં ફોરમ બિછાવીને,
ભીતરના તાપ ભારી દેવા... મનવાજી.
***