ગુજરાતી નારીસંપદા : કવિતા/છોડને મનવા
Jump to navigation
Jump to search
છોડને મનવા
નંદિતા ઠાકોર
⯐
અણગમતું કંઈ હોય કશું તે છોડને મનવા,
મનગમતું સાથે લઈ સઘળું જોડને મનવા!
ક્ષણની ઉપર પણ ક્યાં તારો કાબુ સ્હેજે?
દિવસો વર્ષો તણા હિસાબો છોડને મનવા!
તારે લાયક હશે કશું તો તને જ મળશે,
બાકી ફોકટ હાયબળાપા છોડને મનવા!
એની ઈચ્છા પર થોડી શ્રદ્ધા રાખીને,
તારી ઈચ્છાનાં બંધનને છોડને મનવા!
ખુદને જીતવાનું ય હજુ તો બાકી છે ત્યાં,
જગને જીતવાની લાલચ તું છોડને મનવા!
***