મધ્યકાલીન ગુજરાતી કાવ્યસંપદા/પદ (૨૬)

પદ (૨૬)

નરસિંહ મહેતા

જુવતા-વદન ચંદ્ર, કુમુદ કમલાપતિ, જડિત ચિંતામણિ-હેમ-રત્ને
સેજ પર સેજડા વિલસે વહાલો ચડા, રતિ-રણધાર મળ્યાં બહુ રે જત્ને.
જુવતા
માનસર નાભિ, તટ હંસ મુક્તાવલિ, ચકિત ચકોર બેહુ શશાના સંગે;
ઉદધિ-લહેર જ્યારે નારદ ઉપર વળા, તૃપત ત્રિલોક થયો તેને રંગે.
જુવતા
ચપલ ચંપાકલા, વેણ ચોકડ ભલા, ઝાલ ઝબૂકતા મકર-માટે;
કવિજન ક્યમ કહે? – દૃષ્ટિગોચર નહીં, નરસૈંયો નાથના પલંગ હેઠે.
જુવતા