કાવ્ય-આચમન શ્રેણી – રાવજી પટેલ/૩૬.ચાસમાં ઓરાતો હોઉં એવું

From Ekatra Wiki
Revision as of 12:10, 17 June 2022 by MeghaBhavsar (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search


૩૬.ચાસમાં ઓરાતો હોઉં એવું

રાવજી પટેલ

ચાસમાં ઓરાતો હોઉં એવું
થાય :
કેટલીય કીકીઓ ગડગડી
ઝરી ગઈ ! ધીરે ધીરે શ્વાસ
ક્યાંક છોડવાની જેમ ઊગે !
તોય પગ મૂકવાની ઓસરી
જ્યાં નથી એક
સૂંઘવાની નથી એકે આંખ
બચબચ હાલરડાં પીવાની
જ્યાં નથી કોઈ તક, તોય
ભૂરી ભૂરી છાતીની
અનંતશ્રી તો પોચી પોચી
ચોતરફ લાગે.
ગ્રહ પર ઘૂંટણિયે ગબડીને
જાઉં – મનને વિચાર અડે એવું.
(અંગત, પૃ. ૬૩)