શ્રેષ્ઠ ચંદ્રકાન્ત શેઠ/ઓ ખિસકોલી! ખિસકોલી!!
Revision as of 15:24, 12 July 2022 by KhyatiJoshi (talk | contribs) (Created page with "{{SetTitle}} {{Heading|ઓ ખિસકોલી! ખિસકોલી!!|}} <poem> ઓ ખિસકોલી! ખિસકોલી!! તું ચટકમટક લટ...")
ઓ ખિસકોલી! ખિસકોલી!!
ઓ ખિસકોલી! ખિસકોલી!!
તું ચટકમટક લટકાળી!
તું રમત કરે રઢિયાળી!
સૌને જોતાં ગમી જાય તું, સૌને લાગે વ્હાલી!
ઓ ખિસકોલી! ખિસકોલી!!
તું મીઠા માણે મેવા,
તું સૌની પામે સેવા,
છોટામોટા સૌયે ખેલે તારી સાથે કેવા!
ઓ ખિસકોલી! ખિસકોલી!!
તું દ્હાડો આખો ફરતી,
તું ગેલ ઘણીયે કરતી,
સૌને કેવી મજા કરાવે ડાળ ડાળ પર સરતી!
ઓ ખિસકોલી! ખિસકોલી!!
તું ચટાપટાળી ચમકે,
તું રેશમ સરખી સરકે,
હેત રામજીનું તારે ડીલ કેવું કોમળ થરકે!
ઓ ખિસકોલી! ખિસકોલી!!