ગુજરાતી ગઝલસંપદા/ હર્ષદ ચંદારાણા
Revision as of 14:14, 8 January 2023 by Kamalthobhani (talk | contribs) (Created page with "{{SetTitle}} {{Heading| હર્ષદ ચંદારાણા |}} <poem> છોડ ચિંતનની નાવ કાગળમાં છે છલોછલ તળાવ કાગળમાં<br> સાત સાગર તરું સરળતાથી ડૂબવાનો સ્વભાવ કાગળમાં<br> હું ઉપાડું કલમ, પછી મારા ભાવ તેમજ અભાવ કાગળમાં<br> મારા મન...")
હર્ષદ ચંદારાણા
છોડ ચિંતનની નાવ કાગળમાં
છે છલોછલ તળાવ કાગળમાં
સાત સાગર તરું સરળતાથી
ડૂબવાનો સ્વભાવ કાગળમાં
હું ઉપાડું કલમ, પછી મારા
ભાવ તેમજ અભાવ કાગળમાં
મારા મનને મળ્યો અરીસો આ
હૂબહૂ હાવભાવ કાગળમાં
આ અહીં મારી સ્વપ્નભૂમિ છે
તેથી નાંખ્યો પડાવ કાગળમાં
તારું એકાંત રાખ તું અંગત
ઢોળી દે શાહી, લાવ કાગળમાં