ગુજરાતી ટૂંકી વાર્તાકોશ/અ/ઉધના-મગદલ્લા રોડ

ઉધના-મગદલ્લા રોડ

રાકેશ દેસાઈ

ઉધના-મગદલ્લા રોડ (રાકેશ દેસાઈ; ‘૧૯૯૯ની શ્રેષ્ઠ વાર્તાઓ’, સં. રમેશ ૨. દવે, ૨૦૦૦) બે વર્ષની ગુડ્ડી રોજ શિક્ષક પિતા સાથે ઉધના-મગદલ્લારોડ પર ફરવા જતી અને પાછાં વળતાં નીલગિરિનાં ત્રણ વૃક્ષોના ઝુંડ નીચે ઊભી રહીને આસપાસના જગતને જોતી. એક દિવસ ગુડ્ડી પાછાં વળતાં એ જગ્યાએ કશું ફંફોસે છે. પિતા તો રોડ પહોળો થયો - ના આનંદમાં છે પણ પુત્રી રોડ પહોળો થવાના કારણે કપાઈ ગયેલાં નીલગિરિનાં થડની ખરબચડી સપાટીને એની નાની, કોમળ આંગળીઓથી પસવારે છે! વૃક્ષછેદનની સમસ્યાને વાર્તાકારે અહીં ગુડ્ડીની બાળસહજ સંવેદનાના સાદાસીધા તેમ જ લાઘવભર્યા નિરૂપણથી ઉપસાવી છે.
પા.