ગુજરાતી નારીસંપદા : કવિતા/અપવાદ
Jump to navigation
Jump to search
અપવાદ
આરતી બક્ષી
⯐
લાગણી ગજબ ફસાવે ને લુચ્ચું હૈયું માની જાય
સાંજની ખબર પડે તે પહેલા રાત આવી જાય
આમ તો સરળ સમજુ પણ આજ બેફામ બનતું જાય
થામવા પરત મથું તે પહેલાં હાથ સરતું જાય
અપવાદ ફકત હું જ છું સવારે ચાંદ નજરે થાય...
આવવું વગર દીવાલ ના દિલમાં લગન લાગી હોય
તો પછી નગર રસ્તા જાણવાની મમત ક્યાંથી હોય!
હાલમાં અગર મળે એ વીત્યું લેખે લાગી જાય
ફોસલાવ્યો મને એનો વારો તરત આવી જાય
અપવાદ ફકત હું જ છું સવારે ચાંદ નજરે થાય...
***