બાળ કાવ્ય સંપદા/સાઈકલ પપ્પાની
Jump to navigation
Jump to search
સાઈકલ પપ્પાની
લેખક : રિયાઝ દામાણી
(1981)
આગળ નાની સીટ નખાવી લાગે છે વ્હાલી – વ્હાલી
સાઈકલ પપ્પાની જુઓ એક્ટિવા થૈ ચાલી
આગળ ચિન્ટુ, પાછળ હું
ને મોટી સીટ પપ્પાની
ખાડા-ખડિયા, રોદા આવે,
તૂટે મોજ ગપ્પ્પાંની
હળવે હાલે દડબડ દોડે રસ્તો દેખી ખાલી
સાઈકલ પપ્પાની જુઓ એક્ટિવા થૈ ચાલી
મંદિર આવ્યું, મસ્જિદ આવી
આવ્યો ડુંગર ઊંચો
પવન બાપડો લડી-પડીને
પળમાં થઈ ગ્યો ડૂચો
ઢાળ ચડીને ઊતરી, ઘર જઈ માણી અમે ખુશાલી
સાઈકલ પપ્પાની જુઓ એક્ટિવા થૈ ચાલી