છોળ/પાસ
Jump to navigation
Jump to search
પાસ
નિજનો આ નહીં રંગ
આવડો જે કંઈ ઓપ ચડ્યો તે પારસ હે તવ સંગ!
મુજને તો હજી કાલ્ય લગી ક્યાં
જાણ હતી અરે સ્હેજ,
ઝંખવાએલી કાય આ કો’ દિ’
ધરશે આવાં તેજ!
પડ્યો પ્રમાદે, કાટ ચડેલો કેટલો આખે અંગ!
નિજનો આ નહીં રંગ…
એવાં કોઈ ધનભાગ મારાં કે
પડખે કીધો વાસ,
પરસનો નહીં દીધ પરિચય
તોય શો તારો પાસ!
કોડી શું ન’તું મૂલ એનું તેં લાખનું કીધું નંગ!
નિજનો આ નહીં રંગ
આવડો જે કંઈ ઓપ ચડ્યો તે પારસ હે તવ સંગ!
૧૯૬૦