ધ્વનિ/આવડો મ લોભ તે કીજીએ'લી મોરલી!

૨૪. આવડો મ લોભ તે કીજીએ’લી મોરલી!

આવડો મ લોભ તે કીજીએ ‘લી મોરલી!
⁠આવડો મ લોભ તે કીજીએ રે લોલ;
અમરતને એકલાં મ પીજીએ ‘લી મોરલી!
⁠અમરતને એકલાં મ પીજીએ રે લોલ.

મંજરીની ગંધથી યે મીઠેરા કંઠની
⁠કોયલની વાણ ઝંખવાણી રે લોલ;
તું રે તારી વેણ-પાંખે રમંત કૈં
⁠અવની આકાશ રહી માણી રે લોલ.

આવડું ગુમાન તે મ કીજીએ’લી મોરલી!
⁠આવડું ગુમાન તે મ કીજીએ રે લોલ;
તરસૂં બીજુંની થોડી પ્રીછીએ ’લી મોરલી!
⁠તરસૂં બીજાંની થોડી પ્રીછીએ રે લોલ.