મંગલમ્/હે… ચલો જંગલની વાટ
Jump to navigation
Jump to search
હે… ચલો જંગલની વાટ
હે… ચલો જંગલની વાટ દીપ મંગલ પેટાવીએ
ખેતરને ખોળલે જઈ ખેલીએ… હે…હો૦
મહેનતની રોટીની મોજ સંગ માણીએ ને
ઉરનો આનંદ રંગ રેલીએ… હે…હો૦
ઉછી-ઉધારમાં તે હોય શી મીઠાશ ભલે,
બત્રીસા ભોજનનું ભાણું
આપણા તે ખેતરની ભલી જાર બાજરી ને
આપણી તે ગાંઠનું નાણું… હે…હો૦
કોઠીમાં હોય તો જ માણીએ દિવાળી ને
નહિ તો નકોરડાં રહીએ,
ખોરડાને ખૂણે ખાટ ઢાળીને પોઢીએ
પારકાને ભીખવા ન જઈએ… હે…હો૦
કાચા સોના જેવી શ્યામલી આ ધરતીને
ભલી ભાત થકી ખેડ ખેડીએ,
આપણું તે દળદર ફિટાડીએ ને
બીજાને સામેથી મૂઠી ભરી દીજીએ… હે…હો૦