અર્વાચીન ગુજરાતી કાવ્યસંપદા/ભગીરથ બ્રહ્મભટ્ટ/ગીત પૂર્વેનું ગીત
Revision as of 07:27, 21 July 2021 by MeghaBhavsar (talk | contribs) (Created page with "{{SetTitle}} {{Heading|ગીત પૂર્વેનું ગીત|ભગીરથ બ્રહ્મભટ્ટ}} <poem> :::::::::::અમે અમારી અંદ...")
ગીત પૂર્વેનું ગીત
ભગીરથ બ્રહ્મભટ્ટ
અમે અમારી અંદર સૂના સૂનકારે લય જાગ્યો રે
કલરવ કરતી ભીની સૌરભ
અજવાળાં કૈં કોરે રે
ઊંડે ઊંડે અંધારામાં
ઝીણું ઝીણું ઢોળે રે
ઊંચા નીચા શ્વાસો સાથે રંગ રાગનો લાગ્યો રે
કક્યાંથી આવે ક્યાં લઈ જાતો
કોઈ કશું ના જાણે રે
મનમંદિરના દલ સકલને
કોણ ઊલટથી તાણે રે!
તાલતલપનો તેજલ રણકો નાભિદ્વારે વાગ્યો રે
(ગુજરાતી કવિતાચયન : ૧૯૯૪, સંપા. હરિકૃષ્ણ પાઠક, પૃ. ૭૭)