મધ્યકાલીન ગુજરાતી કાવ્યસંપદા/મીરાં પદ (૨૮)

પદ (૨૮)

મીરાં

બોલ મા બોલ મા
(રાગ-ઝીંઝોટી - તાલ ત્રિતાલ)
બોલ મા, બોલ મા, બોલ મા રે, રાધાકૃષ્ણ વિના બીજું બોલ મા.
સાકર-શેલડીનો સ્વાદ તજીને, કડવો લીમડો ઘોળ મા રે.
રાધાકૃષ્ણ વિના
ચાંદા-સૂરજનું તેજ તજીને, આગિયા સંગાથે પ્રીત જોડ મા રે.
રાધાકૃષ્ણ વિના
હીરા-માણેક-ઝવેર તજીને, કથીર સંગાથે મણિ તોળ મા રે.
રાધાકૃષ્ણ વિના
મીરાં કહે પ્રભુ ગિરિધર નાગર, શરીર આપ્યું સમતોલમાં રે.
રાધાકૃષ્ણ વિના