કોડિયાં/વસંતના અવતાર
Revision as of 13:07, 14 September 2021 by KhyatiJoshi (talk | contribs) (Created page with "{{SetTitle}} {{Heading|વસંતના અવતાર|}} <poem> કોકિલના શા કંઠ ગવાતા, પ્રફુલ્લતા આંબાના...")
વસંતના અવતાર
કોકિલના શા કંઠ ગવાતા,
પ્રફુલ્લતા આંબાના મોર;
કેસૂડાનાં કેસર ખીલ્યાં,
લીંબડીઓનો ફોરે કોર.
કૂંપળ હસતી અપરંપાર!
વન વન વસંતના અવતાર!
ગુંજે ધૂન અલખની કંઠે,
મ્હોરંતા જીવનના મોર;
નવરંગો ખીલે અંતરના,
પ્રેમધર્મની ફૂટે ફોર.
ઉરમાં ભાવો અપરંપાર!
જન જન વસંતના અવતાર!
25-3-’28