ઋણાનુબંધ/લ્યો, નાવ કિનારે આવી!
Revision as of 10:06, 19 April 2022 by KhyatiJoshi (talk | contribs) (Created page with "{{SetTitle}} {{Heading|લ્યો, નાવ કિનારે આવી!|}} <poem> લ્યો, નાવ કિનારે આવી! મઝધારે મ્હા...")
લ્યો, નાવ કિનારે આવી!
લ્યો, નાવ કિનારે આવી!
મઝધારે મ્હાલી એ મસ્તી એક ઈશારે લાવી.
ક્યાંક સાંજનો પવન
ને જળની માયા મમતા
સૂર્ય-ચંદ્રનાં કિરણ
હજી તો હૈયે રમતાં
જનમજનમની વાતો સઘળી સઢમાં દઈ સમાવી..
લ્યો, નાવ કિનારે આવી!
એક કિનારો મળ્યો
હવે તો સાવ નિરાંતે
રાત પછીના કોઈ
ઊઘડતા એક પ્રભાતે
નાવ ઊડશે નકી હવે તો સઢને પાંખ લગાવી
લ્યો, નાવ કિનારે આવી!