ગુજરાતી ગઝલસંપદા/ પ્રફુલ્લ પંડ્યા
Revision as of 14:43, 8 January 2023 by Kamalthobhani (talk | contribs) (Created page with "{{SetTitle}} {{Heading| પ્રફુલ્લ પંડ્યા |}} <poem> મનની સાથે વાત કરી મેં, પસાર આખી રાત કરી મેં.<br> એક નજાકત કોતરકામે- દિલમાં દિલની ભાત કરી મેં.<br> શું કામ એકલવાયા ઝૂરવું, શમણાંની બિછાત કરી મેં.<br> સમય બડો બલવાન...")
પ્રફુલ્લ પંડ્યા
મનની સાથે વાત કરી મેં,
પસાર આખી રાત કરી મેં.
એક નજાકત કોતરકામે-
દિલમાં દિલની ભાત કરી મેં.
શું કામ એકલવાયા ઝૂરવું,
શમણાંની બિછાત કરી મેં.
સમય બડો બલવાન નીકળ્યો,
નહીં તો નિજ પર ઘાત કરી મેં.
મોતના મરમી દૂર પ્રદેશે,
છેવટ મુલાકાત કરી મેં.
અચરજ ગુંબજ ચણવા બેઠું,
વિસ્મયની મહોલાત કરી મેં.
મેં જ વગાડ્યાં મારા ડંકા
મંદિર જેવી જાત કરી મેં.