પ્રત્યંચા/સન્દિગ્ધતા
Revision as of 06:11, 5 July 2021 by MeghaBhavsar (talk | contribs) (Created page with "{{SetTitle}} {{Heading|સન્દિગ્ધતા | સુરેશ જોષી}} <poem> ચન્દ્રનો સન્દિગ્ધ સ્પર્શ – થા...")
સન્દિગ્ધતા
સુરેશ જોષી
ચન્દ્રનો સન્દિગ્ધ સ્પર્શ –
થાય એથી હર્ષ
કે વિમર્ષ?
સૂર્યે બતાવી જે હતી સૃષ્ટિ
તે જ આ? શંકા કરે દૃષ્ટિ.
કોની અરે આ અંગુલિ
નામચિહ્નોની કરે છે ફેરબદલી?
ભોળી મારી પ્રેયસી
માની મને કો’ પરપુરુષ ના સ્પર્શતી, જાતી ખસી!
ને એ ય જાણે અન્ય કોઈ કાળની
માલવિકા?
માયાતણી કે મરીચિકા?
આ ચન્દ્રની સન્દિગ્ધતા –
એથી ઊગરવાની હશે કો’ શક્યતા?