અનેકએક/જળાક્ષરો
જળાક્ષરો
જળમાં
અક્ષર આળખ્યા
ઝળહળઝળહળ ઝુલાવે
ડુબાવે... ઉછાળે... ઝીલે
અવળા સવળા કરે
વહાવે
ઘૂંટેઘૂંટે
અજવાળાં પીએ
જાણે સળવળસળવળ તરીઓ !
થાય
થઈ રહ્યા છે બુદ્બુદો
પવનને
બાંધે છોડે બાંધે
ઝીણો રવ રચે
ઝલમલ પડઘાઓ સરે... સરસરે
થાય
થઈ રહી છે બૂડબૂડ
બૂડાબૂડ
જળને વાળે, ખાળે
વળાંકોમાં ઢાળે તે પહેલાં તો
વરસી જાય તરસ્યા તરંગો
રેલાવી દે રેષેરેષા
વિખેરી
ભૂંસી દે ચમકારા
નહિ છેક ન છેવટ
ન પાર
જળ... જળ...
ખળખળતાં ઊછળતાં પછડાતાં
વહેતાં