ખારાં ઝરણ/રણઝણ રણકતા કાન છે

The printable version is no longer supported and may have rendering errors. Please update your browser bookmarks and please use the default browser print function instead.
રણઝણ રણકતા કાન છે

રણઝણ રણકતા કાન છે,
વૃક્ષો ઉપર ક્યાં પાન છે?

સૂરજ ઉઘાડે બારણું :
ઘરમાં ઘણા મહેમાન છે.

તું યાદ આવે એ ક્ષણો,
નમણી છે, ભીને વાન છે.

બિંબાય જળમાં આભથી,
ક્યાં ચંદ્ર કમ શેતાન છે?

જોયું ન જોયું થાય છે?
એ ક્યારનો બેભાન છે.

જે જે હતું ભરચક બધું,
તું છે છતાં વેરાન છે.

આ પ્રેમ બીજું કંઈ નથી,
‘ઇર્શાદ’ કાચું ધાન છે.

૨-૪-૨૦૦૮