ગુજરાતી સાહિત્યકોશ ખંડ ૩/અનુક્રમ/વ/વિકાસનવલ
વિકાસનવલ(Bildungsroman) : જર્મનવિવેચકો દ્વારા વપરાયેલી સંજ્ઞા. આ પ્રકારની નવલકથામાં નાયક કે નાયિકાના બાળપણના ઘડતરથી માંડી અને પ્રાપ્ત થતી પુખ્તતા પર્યંતનો વિકાસ આલેખ હોય છે, સાથે સાથે એ કેન્દ્રસ્થ પાત્રની પોતાની ઓળખ અંગેની વ્યાકુળ શોધ પણ હોય છે. ઓગણીસમી અને વીસમી સદીની પશ્ચિમની ઘણી નવલકથાઓ આવા અંગત ઉછેરવિકાસની તરેહને અનુસરે છે. આ જ અર્થમાં Erziehungsroman જેવી સંજ્ઞા પણ પ્રચલિત છે, જેમાં ઉછેર કેન્દ્રસ્થાને છે.
ચં.ટો.