તારાપણાના શહેરમાં/ભીનાશ મળી છે

The printable version is no longer supported and may have rendering errors. Please update your browser bookmarks and please use the default browser print function instead.

ભીનાશ મળી છે

સમજણમાં ભીનાશ મળી છે
લ્યો! રણમાં ભીનાશ મળી છે

આંખોમાંથી છટકી ગઈ’તી
દર્પણમાં ભીનાશ મળી છે

સૂરજનું નિદાન શું કરવું?
કિરણમાં ભીનાશ મળી છે

સંબંધોનું આ થિજાવું
કારણમાં ભીનાશ મળી છે

સ્વપ્નો જોવાની ફલશ્રુતિ!
પાંપણમાં ભીનાશ મળી છે

કેમ ન હો જીવન ધુમાડો?
ઇંધણમાં ભીનાશ મળી છે