ગુજરાતી એકાંકીસંપદા/ચોરસ ઈંડાં અને ગોળ કબરો: Difference between revisions

(હોલના Entrance અને Exit ઉપર પડદાઓ હશે તો ચાલશે – પણ પ્રેક્ષાગાર અને તખ્તાની વચમાં કોઈ પડદાઓ ચલાવી લેવા નહિ. પ્રેક્ષકો દાખલ થવાનું શરૂ કરે તે પહેલાં જ સ્ટેજ ઉપરથી તમામ પડદાઓ ખસેડી દેવા. સ્ટેજ ઉપર ઝાંખા દીવાઓ હશે તો ચાલશે – સ્ટેજ ઉપર પ્રકાશનું આયોજન કે સંકલન નહિ હોય તો ચાલશે પણ પ્રેક્ષાગાર ઉપર સતત સહ્ય પ્રકાશ વેરી શકાય એવા દીવાઓની વ્યવસ્થા અનિવાર્ય છે. અને તેમાં પણ પ્રકાશ આયોજન ઉમેરી શકાય એમ હોય તો અતિ ઉત્તમ – છતાં અનિવાર્ય નથી. લાઇટ્સ ક્યારેય ઑફ કરવાની નથી. સ્ટેજની મધ્યમાં એક ખુરશી રાખવાની છે – શ્રીકાંત માટે. સ્ટેજના કોઈ એક ખૂણે ટાઇપિસ્ટ ગર્લ મિસ નંદવાણીની સુવિધાઓની વ્યવસ્થા વિચારપૂર્વક કરી લેવાની છે. પ્રેક્ષાગારની પ્રથમ હરોળમાં, ડાબી બાજુની પ્રથમ બેઠકમાં અનુક્રમે અ અને બ વિરાજશે. શ્રીકાંત માટે પ્રેક્ષાગારની પ્રથમ હરોળમાં જમણી બાજુથી બીજી બેઠક ખાલી રાખવાનું વિસારે પાડવાનું નથી. પ્રેક્ષાગાર સંપૂર્ણ રીતે – અલબત્ત, મૂલ્યપત્રિકાઓના વેચાણ મુજબ – ભરાઈ જાય એટલે બેએક મિનિટ બાદ શ્રીકાંતને સ્ટેજ ઉપર પ્રવેશ કરવા છૂટ આપવી. શ્રીકાંતે સ્ટેજ ઉપર પ્રેક્ષાગારમાંથી આવવાનું નથી. સંગીતસ્વરો અનિવાર્ય હોય ત્યારે પણ ૧૦૦ સેકંડથી વધુ પ્રયોજવા નહિ…)

(પ્રેક્ષકગૃહ યથાયોગ્ય ભરાઈ ગયું છે. શ્રીકાંત સ્ટેજ ઉપર રજૂ થાય છે. તે ખૂબ આનંદમાં છે. સ્ટેજ ઉપર બેત્રણ ચક્કર લગાવી, ત્યાં મૂકવામાં આવેલી ખુરશીમાં સ્થાન લે છે.)

(એક મિનિટના મૌન બાદ પ્રક્ષકોને ઉદ્દેશીને)

(પ્રેક્ષકોનું ધ્યાન શ્રીકાંત ઉપર કેન્દ્રિત થાય છે. પરંતુ કોઈ હિલચાલ જોવા મળતી નથી.)

(યજ્ઞમાંથી છોડાવેલાં ઘેટાંની માફક પ્રેક્ષકો શ્રીકાંતને બુદ્ધ પ્રતિના અહોભાવથી નિહાળી રહે છે.

નેપથ્યમાંથી ‘બુદ્ધં શરણં ગચ્છામિ, ધમ્મં શરણં ગચ્છામિ, સંઘં શરણં ગચ્છામિ!’ના લયબદ્ધ સંગીતસ્વરો શ્રીકાંતના કર્ણ ઉપર અવાવરું વાવમાંથી ઊઠતા પડઘાઓની માફક સાત વખત પડઘાય છે અને શમી જાય છે.)  

(થોડી ચુપકીદી. ‘જાઝ’નું આછેરું સંગીત. પ્રેક્ષાગારની પ્રથમ હરોળમાં ડાબી બાજુની પ્રથમ બેઠકમાં બેઠેલા શ્રીમાન અ ઊભા થઈ ધીમે પગલે સ્ટેજ પ્રતિ આગળ વધે છે. વીસ સેકંડમાં તેઓ શ્રીકાંત પાસે પહોંચી જાય છે.

અ-ને સ્ટેજ ઉપર જોઈને શ્રીકાંત આશ્ચર્ય અનુભવે છે.)

(અ માથે હાથ મૂકી પ્રેક્ષાગારમાં તેની બેઠક તરફ જાય છે. શ્રીકાંત ખુરસીમાં બેસી જાય છે અને હમણાં જ નાટક શરૂ થશે એવા ભાવવર્તુળ મુખ પર વિસ્તારી ગજવામાંથી સિગરેટ-લાઇટર કાઢી સિગરેટ સળગાવે છે.

નેપથ્યમાંથી એ જ પાછું સંગીત શરૂ થાય છે: બુદ્ધં શરણં ગચ્છામિ! ધમ્મં શરણં ગચ્છામિ! સંઘં શરણં ગચ્છામિ!

… … … … …

સંગીતનો લય ડૂબવા માંડે છે. પ્રથમ હરોળમાં જમણી તરફની પ્રથમ બેઠકમાંથી શ્રીમાન બ ઊભા થઈ ત્વરાથી સ્ટેજ ઉપર શ્રીકાંત પાસે પહોંચી જાય છે.)

(નેપથ્યમાં ફરી સંગીતની તરજો શરૂ થાય છે. એ જ પાછું…

બુદ્ધં શરણં ગચ્છામિ! ધમ્મં શરણં ગચ્છામિ! સંઘં શરણં ગચ્છામિ!

… … … …

સ્ટેજના ખૂણામાં બેઠેલી ટાઇપિસ્ટ ગર્લ મિસ નંદવાણી કામ બંધ કરી સ્ટેજના મધ્યભાગમાં આવે છે. બ-ને પાસે બોલાવી પ્રથમ હરોળની જમણી તરફની પહેલી ખુરશી પ્રતિ આંગળી ચીંધતાં બેસી જવા કહે છે. પછી તે શ્રીકાંત પાસે આવે છે.)

(શ્રીકાંત ટિકિટ બતાવે છે. મિસ નંદવાણી ટિકિટ જોઈને પ્રથમ હરોળની જમણી તરફથી બીજા નંબરે ખાલી રહેલી બેઠક ઉપર શ્રીકાંતને બેસી જવા સૂચવે છે. શ્રીકાંત બેસવા જાય છે. મિસ નંદવાણી કાગળના બંડલને બગલામાં દબાવી ઠાવકાઈથી માઇક પાસે જાય છે.)