પ્રતિપદા/૧૪. ઉદયન ઠક્કર: Difference between revisions

પ્રતિપદા/૧૪. ઉદયન ઠક્કર (view source)

Revision as of 10:34, 15 July 2021

3,387 bytes added , 10:34, 15 July 2021

→�

KhyatiJoshi

26,604

edits

@@ Line 248: / Line 248: @@
 ::અંતે મુક્ત કર્યું એને માતાની મૃત્યુનાળથી
 ::કાચી કૂંપળને કોઈ ચૂંટી લે જેમ ડાળથી
+</poem>
+===૫. જીવી===
+<poem>
+જીવી નાની હતીને, સાવ નાની
+ત્યારની આ વાત
+કેડે કંદોરો* પહેરી કરીને
+એ તો ફેરફુદરડી ફરતી’તી
+પવનપાતળું લહેરણિયું લહેરાવીને
+સરખેસરખી સાહેલડીઓ સાથે
+લળી લળીને
+ગરબે ઘૂમતી’તી
+ત્યાં ફરરર આવ્યાં પતંગિયાં
+કોઈ બેઠું પાંદડીએ, કોઈ પાંખડીએ
+કોઈ સસલાના વાળ પર, કોઈ ચિત્તાની ફાળ પર
+હવે જીવી સહુને પતંગિયાથી ઓળખે
+પીળું પતંગિયું? તો’ કે ફૂલ!
+મોર? તો’કે પચરંગી પતંગિયું
+જીવીને જંપ નહિ
+કૂકા ઉછાળતી હોય, સામસામે ઘસીને અજવાળતી હોય
+ભીંતે હરણાં ને હાથીડા ચીતરતી હોય
+મમી-મમી રમતી હોય
+‘ચીના મીના ચાઉં ચાઉં
+અરધી રોટલી ખાઉં ખાઉં’
+કહી પડોશીની લાંબી દીવાલ પાછળ લપાતી-છુપાતી હોય
+કે બોરાં ને કાતરાં કરતી હોય હડપ્પા!
+બાપુની બકરી જીવી સાથે હળી ગયેલી
+ખોળિયાં બે ને જીવ એક
+એક દી ખેતર-ખેતર રમતાં મળ્યું
+... આ શું? પૈડું?
+દોડતાં-દોડાવતાં જીવી નીકળી ગઈ ક્યાંની ક્યાં...
+કૂવાને કાંઠલેથી કુંભારવાડા થઈને વણકરવાસ
+બકરી રહી ગઈ ગામને છેવાડે
+છેક
+એમ કરતાં જીવી તરુણી થઈ
+રૂપ એવું કે એક પા જીવી ને બીજી પા આકાશગંગા
+વિહરે કદંબવનમાં, અશોકવાટિકામાં
+કદી ચંપાની ડાળ, કદી પંપાની પાળ
+કદી ગુમ
+પછી તો દાંત તેટલી વાતો
+‘એલા, જીવીનું હરણ થયું!’
+‘ના, ના, લાખ સવા લાખના મહેલમાં મરણ થયું’
+‘મોકલાવો સહસ્ત્ર વહાણો’
+‘વાત પેટમાં રાખી શકે એવો એકાદો અશ્વ’
+‘મડમડી થઈ ગઈ છે એ તો
+ગોટપીટ બોલવું, ફાવે તે કરવું
+સ્વતંત્રતાની દેવી જાણે!’
+‘જોયેલી કાલ રાતે – હાથમાં મશાલ
+ક્યાં જતી હશે, સાવ એકલી?’
+કોને કોને સમજાવે જીવી
+કે અરુપરુ ઉજાસમાં
+ખોળે છે એ તો
+પેલી... બાપુની બકરી
 </poem>