અર્વાચીન ગુજરાતી કાવ્યસંપદા/અશરફ ડબાવાલા/ગઝલ (ઝંડા ને એના નારા...)

From Ekatra Wiki
Revision as of 06:55, 20 July 2021 by MeghaBhavsar (talk | contribs) (Created page with "{{SetTitle}} {{Heading|ગઝલ (ઝંડા ને એના નારા...)|અશરફ ડબાવાલા}} <poem> ઝંડા ને એના નારા અવ...")
(diff) ← Older revision | Latest revision (diff) | Newer revision → (diff)
Jump to navigation Jump to search


ગઝલ (ઝંડા ને એના નારા...)

અશરફ ડબાવાલા

ઝંડા ને એના નારા અવકાશ પર જવાના,
ધરતી ઉપરના ફાંટા અવકાશ પર જવાના.

શ્રદ્ધા ને જ્ઞાન સાથે જેને છે ઘરની જેવું,
એ વાયા કાશી-કાબા અવકાશ પર જવાના.

અધ્ધર જીવેય માના હૈયે હરખ ન માતો,
ખોળાના ખૂંદનારા અવકાશ પર જવાના.

રૉકેટ પણ ન ઊડશે ના શેરડોય પડશે,
મનસૂબા તોય મારા અવકાશ પર જવાના.

આકાશ આંખ ભીતર ક્ષિતિજ વિનાનું લઈને,
માહિતીના દીવાના અવકાશ પર જવાના.

પૃથ્વીની યાતનાઓ માથે ચડાવનારા,
મંગળનાં ગીત ગાવા અવકાશ પર જવાના.

શબ્દોનું યાન લઈને, કલ્પનના વીજવેગે,
અશરફ-મધુયે છાનાં અવકાશ પર જવાનાં.
નવનીત સમર્પણ, ઑક્ટોબર ૨૦૧૪