અર્વાચીન ગુજરાતી કાવ્યસંપદા/મણિલાલ હ. પટેલ/મારે તો
Revision as of 10:12, 20 July 2021 by MeghaBhavsar (talk | contribs) (Created page with "{{SetTitle}} {{Heading|મારે તો|મણિલાલ હ. પટેલ}} <poem> ::::::::::::::મારે તો માટી થવું હતું ::::::::::::...")
મારે તો
મણિલાલ હ. પટેલ
મારે તો માટી થવું હતું
બીજ બનીને ઊગવું હતું
મ્હોરીને મ્હેકવું હતું
ખેતરમાં મૉલ બનીને
શીખવું હતું સહન કરતાં —
વૃક્ષ થઈને, ભણવી હતી ઋતુઓ...
પહાડોવનો કોતર કરાડો
ખૂંદવા હતાં ઝરણું થઈને
ગાવું હતું પ્રેમનું ગીત —
પંખી થઈને, — આંબવું હતું આકાશ...
કૂંપળ કળી ને પુષ્પ થવું હતું
સુગંધિત પવન થઈને
પહોંચવું હતું નક્ષત્રલોકમાં
વર્ષા બનીને વરસવું હતું
તરસી તરડાયેલી ધરતી પર
મ્હેક થઈને મટી જવું હતું ઘડીક...
જરીક જંપી જવું હતું
પતંગિયું થઈને પુષ્પની ગોદમાં...
ને તેં મને માણસ બનાવ્યો?!
અરે અરે... મને પૂરેપૂરું —
ચાહતાં ય ક્યાં આવડે છે હજી...?!
તા. ૦૧.૦૬.૨૦૧૬ (સવારે, ૫.૦૦)