નયન હ. દેસાઈની કાવ્યસંપદા/એક અખબારી ગઝલ

એક અખબારી ગઝલ

ક્યાંક પી.ટી.આઈ.માં ને ક્યાંક યુ.એન. આઈ.માં,
એ કદી બેફામ ટોળામાં, કદી તનહાઈમાં.

એ સદા કમશઃ રહ્યો ને તો ય સાંધણ થઈ ગયો,
ભીંતમાં ગુમ થઈ જતો, મળતો રહ્યો પરછાઈમાં.

પ્રાપ્ત માહિતી મુજબ, આક્રોશ એ કરતો રહ્યો,
ભાગ માગ્યો જિંદગીભર શૂન્યની હક્સાઈમા.

ના કદી આધારભૂત અહેવાલ આવ્યા કઈ રીતે,
એ વિખેરાઈ ક્ષણોમાં વિસ્તર્યો અખિલાઈમાં.

એ સમંદરબાજ માણસને વધુ માટે જુઓ;
ડૂબતો કાય સપાટી પર, તર્યો ગહેરાઈમાં