સાહિત્ય પલ્લવ – ભાગ ૧/બનાવટી ફૂલોને

૧. બનાવટી ફૂલોને

⁠બનાવટી ફૂલોને
⁠તમારે રંગો છે,
⁠અને આકારો છે,
કલાકારે દીધો તમ સમીપ આનંદકણ છે,
અને બાગોમાંના કુસુમ થકી લાંબું જીવન છે.
⁠ઘરોની શોભામાં, ૫
⁠કદી અંબોડામાં
રહો છો, ત્યાં જોઈ ઘડીકભર હૈયું હરખતું,
પ્રશંસા કેરાં એ કદીક વળી વેણો ઊચરતું.
⁠‘પરંતુ જાણ્યું છે,
⁠કહી વા માણ્યું છે, ૧૦
શશીનું ભાનુનું ક્ષિતિજ પરથી ભવ્ય ઊગવું?
વસંતે વાયુનું રસિક અડવું વા અનુભવ્યું?’
⁠ન જાણો નિંદું છું,
⁠પરંતુ પૂછું છું:
‘તમારા હૈયાના ગહન મહીંયે આવું વસતું: ૧૫
દિનાન્તે આજે તો સકલ નિજ આપી ઝરી જવું?’