ગુજરાતી નારીસંપદા : કવિતા/પ્રવાસની કથા

પ્રવાસની કથા

પારુલ ખખ્ખર

⯐

વળાંક, ઠેસ, કાંકરા અને પ્રવાસની કથા,
નથી વિરામ પામતી પ્રલંબ રાસની કથા.

હવાને મંત્રમુગ્ધ જે કરી શકે છે નૃત્યથી
એ વાર રાતભર લખી શકે ઉજાસની કથા.

ઘટે ઘટે જઈને સત્ય પૂછશો તો પામશો,
જે રાઈની કથા છે એ જ છે લિબાસની કથા.

નિઃશબ્દ રાખ તાપણે ફરી વળી છે ધ્યાન દે,
લગાવ ફૂંક છંદની, જગાડ પ્રાસની કથા.

ગલી એ સાંકડી, તમારું કદ અને અહમ બડો,
જનાલ એટલી હતી દીવાનેખાસની કથા.

***