મધ્યકાલીન ગુજરાતી કાવ્યસંપદા /ગંગાસતી પદ ૨૦

પદ ૨૦

ગંગાસતી

ગજવાનો લાડવો
ઝીલવો હોય તો રસ ઝીલી લેજો, પાનબાઈ,
પછી પસ્તાવો થાશે;
અગમ અગોચર રસનું નામ છે
એ તો પૂરણ અધિકારીને ઠેરાશે.          – ઝીલવો૦

ભાઈ! માન રે મેલ્યા પછી રસ તમને મળશે, પાનબાઈ,
જુઓને વિચારી તમે મનમાં;
દૃષ્ટ પદારશ નથી રે’વાનું, પાનબાઈ,
સુણોને ચિત્ત દઈને વચનમાં.          – ઝીલવો૦

ભાઈ રે! આ તો ગુંજાનો લાડવો, પાનબાઈ,
અહંભાવ ગયા વિના નો ખવાય;
કોટિ રે જનમની મટાડો કલ્પના ત્યારે
જાતિ રે પણું વયું જાય.          – ઝીલવો૦

ભાઈ રે! દૃષ્ટિ રાખો, ુપત રસ ચાખો, પાનબાઈ,
તો તો સેજે આનંદ વરતાય,
ગંગા રે સતી એમ બોલિયાં રે
આપમાં આપ મળી જાય.          – ઝીલવો૦