ગુજરાતી સાહિત્યકોશ ખંડ ૩/અનુક્રમ/જ/જોડકણાં
Revision as of 15:51, 25 November 2021 by KhyatiJoshi (talk | contribs) (Created page with "{{SetTitle}} <span style="color:#0000ff">'''જોડકણાં(Doggerels)'''</span> : મામૂલી વિષય પર કઢંગા પ્રાસ સાથે...")
જોડકણાં(Doggerels) : મામૂલી વિષય પર કઢંગા પ્રાસ સાથે અણઘડ રીતે ગમે તેમજોડી કાઢેલાં નીરસ પદ્યો. એમાં કાવ્ય લખવાનું હાસ્યાસ્પદ પરિણામ જોઈ શકાય છે. બહાર વેચાતાં તૈયાર અભિનંદન કાર્ડ્સ કે ટી.વી.ની જાહેરખબરોમાં આ પ્રકારનું લખાણ બહુધા જોવા મળે છે. અલબત્ત, અર્થની પરવાહ વગર લય અને પ્રાસમાં ગૂંથેલાં સફળ બાળજોડકણાં બાળમાનસને નાદથી વિશેષ રીતે આકર્ષે છે.
ચં.ટો.