યુગવંદના/ભર ભર છાંટું અંજલિ

ભર ભર છાંટું અંજલિ

[ચારણી ડિંગળ ઢાળ]

ફૂલ ખર્યાં ફોરમ રહી, રહ્યા ગીત-ઝણકાર,
હરિયાળી ધરતી કરી હાલ્યા મેઘ-મલાર;
તૂટ્યા તંબૂર-તાર,
ભણકારા ભવ ભવ રિયા.
ભવ ભવ ગોત્યે ભટકતાં ન જડે જોડીદાર,
જિનકી હેડી હલ ગઈ, તાકા બૂરા હવાલ,
બસૂરાં ને બેતાલ,
હેડી વિણ ગાયન હુઆં.
ભાઈ મરે ભવ હારિયેં, બેન મરે દશ્ય જાત,
માવીતર મરતે ઊના, ચોદશના વા વાય;
(પણ) સબ દુ:ખ ભેળાં થાય,
હેડી! એક તમે મૂવે.
સજન! તમારી ખાક પર ઝાઝા હજો જુહાર,
ભર ભર છાંટું અંજલિ, બખતરિયા જોધાર!
તેં દઈ દઈ પડકાર,
ભાગી ફોજું ભેડવી.
૧૯૪૦