અર્વાચીન ગુજરાતી કાવ્યસંપદા/`પતીલ'/આ લીલા લીલા લીમડા તળે...
Revision as of 08:36, 22 June 2021 by HardikSoni (talk | contribs) (Created page with "<poem> આ લીલા લીલા લીમડા તળે {{space}}થાકેલો કોઈ રાહિયો મળે {{space}}{{space}}કરાર કેવ...")
આ લીલા લીલા લીમડા તળે
થાકેલો કોઈ રાહિયો મળે
કરાર કેવો કાળજે વળે —
જો આપદાનો ભાગિયો મળે?
કોમના ગરાસ તો ગયા
મ્હોલના ઉજાસ તો ગયા
હારીડા તણો લાવતો પતો
સજાત, દીન ખેપિયો મળે!
હલેત દશા, એકલાપણું —
કશો ન લાભ, સાંખવું ઘણું,
માહરા સેતાન રુદેનો
કો ઠારનાર ગોઠિયો મળે!
(પતીલનાં ચૂંટેલા કાવ્યો, ૧૯૭૩, પૃ. ૧૮૯)