ગુજરાતી ગઝલસંપદા/ હનીફ સાહિલ
Revision as of 14:16, 8 January 2023 by Kamalthobhani (talk | contribs) (Created page with "{{SetTitle}} {{Heading| હનીફ સાહિલ |}} <poem> એકીટશ એકધારી જાગે છે, આ પ્રતીક્ષા બિચારી જાગે છે.<br> એકલો હું જ કંઈ નથી જાગૃત, દ્વાર, ભીંતો, અટારી જાગે છે.<br> તું ગઈ જાણે કે વસંત ગઈ, બાગ જાગે છે, ક્યારી જાગે છે.<br> સ...")
હનીફ સાહિલ
એકીટશ એકધારી જાગે છે,
આ પ્રતીક્ષા બિચારી જાગે છે.
એકલો હું જ કંઈ નથી જાગૃત,
દ્વાર, ભીંતો, અટારી જાગે છે.
તું ગઈ જાણે કે વસંત ગઈ,
બાગ જાગે છે, ક્યારી જાગે છે.
સ્વપ્ન સળગાવી પાંપણો ઉપર,
કોઈ દીવાને ઠારી જાગે છે.
વાટ જોઈને તપ્ત આ આંખો,
ઓશીકે અશ્રુ સારી જાગે છે.
સાવ સૂમસામ થઈ ગઈ શેરી,
એક એની જ બારી જાગે છે.
કાલ જાગ્યો’તો પ્રતીક્ષામાં ‘હનીફ’,
આજ એની છે વારી, જાગે છે.