મંગલમ્/ચાલોને દોસ્ત
Jump to navigation
Jump to search
ચાલોને દોસ્ત
ચાલોને દોસ્ત સહુ ઘૂમવાને
ઘૂમવાને વન ભમવાને… ચાલોને…
રે’શું ને સૂશું ઝાડોનાં ઝુંડમાં
નાશું ને ધોશું ઝરણાં ને કુંડમાં
ખાટાં મીઠાં ફળ જમવાને… ચાલોને…
હરણાં ને સસલાં શું જાશે દોટ દેતાં
વગડામાં વાઘ સિંહ જોશું છે કેવા
પંખીની સાથ વળી રહેવાને… ચાલોને…
લાંબા લાંબા શું ભરશું સૌ ઠેકડા
ચડશું ઓળંગશું ખાડા ને ટેકરા
સંકટ પડે તોય ખમવાને… ચાલોને…