મંગલમ્/રંગ ગમ્યો રે ગલાલ
Revision as of 01:33, 31 January 2025 by Meghdhanu (talk | contribs) (Created page with "{{SetTitle}} {{Heading|રંગ ગમ્યો રે ગલાલ}} {{Block center|<poem> હે…વનની વનરાઈમાં ને ઘેરી અમરાઈમાં ફાગણ ફૂલડે ઘેરાય હો મને રંગ ગમ્યો રે ગલાલ… વનની વેલુડીઓ ઝૂમી ઝૂમી જાયે પડતી વસંતની પાર ફૂલોના રૂપે સુગંધી ભર્...")
રંગ ગમ્યો રે ગલાલ
હે…વનની વનરાઈમાં ને ઘેરી અમરાઈમાં
ફાગણ ફૂલડે ઘેરાય
હો મને રંગ ગમ્યો રે ગલાલ…
વનની વેલુડીઓ ઝૂમી ઝૂમી જાયે
પડતી વસંતની પાર
ફૂલોના રૂપે સુગંધી ભર્યા ધૂપે
કેવી કીધી રે કમાલ…હો…
મારા જીવનને એવું રંગો જાણે
પડી પટોળે ભાત
લાગ્યો એ રંગ મારા આખા જીવનને
એવો એ લાલમ લાલ…હો…