હેમેન શાહનાં ચૂંટેલાં કાવ્યો/ત્યાં હું અને

ત્યાં હું અને

ત્યાં હું અને તું મગ્ન, દરિયો, ફીણ cut
જોઈ મલકતી કન્યકા ગ્રામીણ cut

ઘોડા ઉપર વ્હેલી સવારે નીસર્યા,
ધુમ્મસ ખસે, નજરે પડે છે ખીણ cut

બાંધ્યું પરિચયને અપેક્ષાનું વજન,
બનતો ગયો... બનતો ગયો... એ ક્ષીણ... કટ્

સઘળી સ્મૃતિ શાને ભભૂકી ઊઠતી?
જે કંઈ વીત્યું વર્ષો હતાં કે મીણ? Cut

વર્ણન જીવન-ઝરમરમાં એનું ના થયું,
અંગત પ્રસંગો જે હતા કરપીણ cut
 
દોસ્ત, ૭૬