કાવ્ય-આચમન શ્રેણી – નલિન રાવળ/૨૨. સિંહ અને વરસાદ

૨૨. સિંહ અને વરસાદ

નલિન રાવળ

વરસે
આભથી વરસાદ
(સળિયા પીગળે)
પડછંદ ઘૂઘવે સિંહનો ઘુઘવાટ
ઊછળે યાળ
તગતી આગના મોજા સમી ઊછળંત કાતિલ ફાળ,
આગળ
ગાઢ વનમાં દોડતો વરસાદ,
પાછળ
ગાઢ વનમાં દોડતો વરસાદ,
વચમાં
મત્ત સીનો તાણીને ઘૂઘવંત ઘૂમતા
સિંહની પડઘાય પીળી ત્રાડ.
સડતા અંધકારે
એક ખૂણે
ઘાસમાં ફસડાય પીળી ત્રાડ,
(ભીની આંખમાં સળિયા)
ભીંજાતું પાંજરું
વરસાદ પડતો
બહાર
મુસળધાર.
(અવકાશપંખી, પૃ. ૪૭)