ગાતાં ઝરણાં/મન, ગાજે!

મન, ગાજે!

મન, ગાજે! મન, ગાજે! એક્ ગીત મધુરું આજે.
યુગયુગના વિનવેલ અતિથિ
આવ્યા તુજ દરવાજે,
મન, ગાજે! મન, ગાજે!...

ઝરણું ગાતાં, નદીઓ ગાતી; કોકિલ ગાતી કુંજે,
એવે ટાણે છાનાં રહેવું
આ૫ણને નહિ છાજે,
મન, ગાજે! મન, ગાજે!...

ચંદ્ર-સૂરજના મંજીરાઓ અળગા રહીને રણકે,
પૂરવ-પશ્ચિમની કરતાલો
દૂર રહીને બાજે,
મન, ગાજે! મન, ગાજે!...

ગીત સુણી નાસે અંધારાં, જીવન-જ્યોત પ્રકાશે,
ખુદ તારા ઉત્કર્ષને માટે,
મારી મુક્તિ કાજે,
મન, ગાજે! મન, ગાજે!...

રાત-દિવસ આ શ્વાસ-સિતારી સાજ સનાતન તારો,
સોહમ ગાતાં તાર તૂટે ત્યાં
હોંશે પોઢી જાજે,
મન, ગાજે! મન, ગાજે!...

૩૧-૮-૧૯૫૨