રમણીક અગ્રાવતની કવિતા/બપોરનું રેલક્રોસિંગ
Jump to navigation
Jump to search
૪. બપોરનું રેલક્રોસિંગ
તાડ ઝાડની ટોચે અધમીંચી આંખે બેઠો શકરો
તાડ-થડિયે હગતો હાઇ-વેનો ડ્રાઇવર
ચોકડી પર લુસ લુસ પોરો ખાતી ટ્રક
ટ્રકની પાછળ ટ્રક, પાછળ ટ્રક, રિક્ષા, બસ સ્કૂટર તડકો
રેલક્રોસિંગની ઓરડીમાં
લીલી ઝંડીને ટેકે ઝોકતો સાંધાવાળો
રેલ-લાઈન પર લામ્બોલસ ફળફળતો સૂરજ
વ્હીસલથી કપાય ધડાધડ
વેરણછેરણ કપચી પર ખટાખટ તડકો
તડકોતડકો તડકોતડકો તડકોતડકો...