સમગ્ર અરધી સદીની વાચનયાત્રા/પ્રેમશંકર ન. ભટ્ટ/નાનો-મોટો

The printable version is no longer supported and may have rendering errors. Please update your browser bookmarks and please use the default browser print function instead.

તું નાનો, હું મોટો —
એવો ખ્યાલ જગતનો ખોટો;
આ નાનો, આ મોટો —
એવો મૂરખ કરતા ગોટો.
ખારા જળનો દરિયો ભરિયો,
મીઠા જળનો લોટો;
તરસ્યાને તો દરિયાથીયે
લોટો લાગે મોટો.
નાના છોડે મહેકી ઊઠે
કેવો ગુલાબગોટો!
ઊંચાં ઊંચાં ઝાડે તમને
જડશે એનો જોટો?
મન નાનું તે નાનો,
જેનું મન મોટું તે મોટો