હેમંત ધોરડાનાં ચૂંટેલાં કાવ્યો/મને ઓસનાં બુંદમાં ઘાટ દિયો
Jump to navigation
Jump to search
મને ઓસનાં બુંદમાં ઘાટ દિયો
રવિરાજ ને પાંખડીપાટ દિયો
શિરે ઓઢીને મેઘધનુ એ લસે
મને રંગ અભંગ વણાટ દિયો
એ ઊઘડતી લજામણી જેમ ખૂલે
મને પળ પ્રતિપળમાં અફાટ દિયો
એ પલકમાં અલપ એ પલકમાં ઝલપ
મને રાતદિવસનો ઉચાટ દિયો
ન મળે કે મળે એ મળે ન મળે
ઘણી રાહ દિયો ઘણી વાટ દિયો
છંદવિધાન
લલગા લલગા લલગા લલગા – સરખાવો: તોટક