અંતિમ કાવ્યો/મિત્રો થવું કાંઈ સહેલું નથી

મિત્રો થવું કાંઈ સહેલું નથી

પુરુષ: આપણે બે મિત્રો ન થયાં તે ન જ થયાં.
          આપણે મિત્રો થવા મથ્યાં, એમાં કેટકેટલાં વર્ષો ગયાં.
સ્ત્રી: શું મારું માન અભિમાન કારણ હશે ?
          શું તમારો સંકોચ સંયમ ભારણ હશે ?
          આશ્ચર્ય છે કે આપણે એકમેકને આટલાં વર્ષો સહ્યાં.
પુરુષ: વર્ષો ગયાં ? મૈત્રીમાં મોડું વહેલું નથી,
          કારણ ? મિત્રો થવું કાંઈ સહેલું નથી,
          તો ભલે આપણે આમ એકમેકથી દૂર એકલાં રહ્યાં.

જાન્યુઆરી, ૨૦૧૮